„თბილისი 2015“-ის ოლიმპიური ფესტივალის საჩოგბურთო ტურნირზე ვაჟთა შორის წყვილთა თანრიგის ოქროს მედლის მფლობელი გაბრიელე ბოსიოსა (Gabriele Bosio) და რიკარდო პერინის (Riccardo Perin) მესამე ნომრად განთესილი იტალიური წყვილი გახდა. იტალიელებმა ფინალში როი გრანტისა (Roi Ginat) და იშაი ოლიელის (Yshai Oliel) მეხუთე ნომრად განთესილი ებრაული დუეტი დაძაბულ შეხვედრაში ანგარიშით 7:6 2:6 6:3 დაამარცხეს.

პირველივე სეტი დაძაბული აღმოჩნდა. ბოსიო-პერინიმ (Bosio/Perin) იგი მხოლოდ ტაი ბრეიკზე მოიგო. მეორე სეტი უკვე დამაჯერებლად ებრაულმა დუეტმა მოიგო. მეტოქეს მან მხოლოდ ორი გეიმი დაუთმო. მესამე ყველაზე ხანგრძლივ და გადამწყვეტ სეტის მეოთხე გეიმში იტალიელების გაკეთებული ბრეიკი გარდამტეხი მომენტი აღმოჩნდა და აპენინურმა დუეტმა გამარჯვება მოიპოვა.
„ამ გამარჯვებას ველოდით, თუმცა მოგება რთული იყო. ჩვენთვის ძალიან მნიშვნელოვანია, რომ ამ ასაკში ახალგაზრდული ოლიმპიადის გამარჯვებულები გავხდით და ჩვენს ქვეყანაში ოქროს მედლით ვბრუნდებით,“- განაცხადა პერინიმ.
მთავარი კორტის პარალელურად პირველ კორტზე ბრინჯაოს მედლის მოსაპოვებლად ერთმენთს პოლონელი დუდეკ-მიხალსკის (Dudek/Michalski) წყვილი ჩეხ ევჟენ ჰოლის Evzen Holis-სა და ტომაშ მიჩახ-სToma Michac შეხვდნენ. მატჩი ჩეხების გამარჯვებით ანგარიშით 6:3 3:6 7:5 დასრულდა.

„ვთვლი, რომ მზიურის კორტებმა ოლიმპიური ფეტსივალის საჩოგბურთო ტურნირს ღირსეულად და მაღალი სტანდარტებით უმასპინძლა. სამწუხაროა, რომ ქართველები ფინალში ვერ ვიხილეთ, თუმცა სასიახარულოა, რომ ასეთი ძლიერი ჩოგბურთელების თაობა მოდის. ეს ოლიმპიადა მართლაც იყო ნაბიჯი მომავლისაკენ.“ - განაცხადა ჩოგბურთის ფედერაციის პრეზიდენტმა აკა მეტრეველმა.