დახურვის ცერემონიალი ოლიმპიურ სოფელში 1 აგვისტოს გაიმართა. ცერემონიალი მოიცავდა ევროპის ოლიმპიური კომიტეტის პროტოკოლით გათვალისწინებულ ისეთ ელემენტებს როგორიცაა, ახალგაზრდულ ოლიმპიურ ფესტივალში მოასპარეზე 50 ქვეყნების მედროშების აღლუმს, საქართველოს პრემიერ-მინისტრის ირაკლი ღარიბაშვილის მიმართვას, ევროპის ოლიმპიური კომიტეტების ვიცე-პრეზიდენტის იანეზ კოსიანჩიჩის მიერ თბილისი 2015-ის დახურვად გამოცხადებას და მოწოდებას ევროპელი ახალგაზრდობის მიმართ, რომ ორი წლის შემდეგ შეიკრიბონ უნგრეთის ქალაქ გიორში, ევროპის მე–14 ახალგაზრდა ოლიმპიური ფესტივალის აღსანიშნავად.

რის შემდგომაც, თბილისი მერმა ნარმანიამ ევროპის ოლიმპიური კომიტეტის დროშა გადასცა ქალაქ გიორის მერის წარმომადგენელს, ბატონ დევიდ ფეკეტეს.

დამსწრე საზოგადოებას კი ეკრანიდან ჰქონდათ საშუალება თვალი ედევნებინათ ოლიმპიური ფესტივალის ცეცხლის ჩაქრობის სცენისთვის, რომელიც კუს ტბის მიმდებარე მთაზე 26 ივლისს აინთო.

ცეცხლი ჩაქრა რათა აინთოს უნგრეთში. თბილისი დაემშვიდობა ევროპის ზაფხულის მე–13 ახალგაზრდულ ოლიმპიურ ფესტივალს. 6 დღიანი ასპარეზობა შედგა და თბილისი 2015–ის საზეიმო დახურვა ოლიმპიურ სოფელში დასრულდა.

პროტოკოლით გათვალისწინებული ნაწილის დარულების შემდეგ სცენის მიმდებარე ტერიტორიაზე ცეცხლოვანი შოუ აკრობატების და მოცეკვავეეების მონაწილეობით გაიმართა.